Transcription
1
Monsieur, par ce que monsieur de Saint Sernin vous a rescript de
2
Sault, vous avés entendeu la reception de toutes voz despeches,
3
mesmes de celle de lhomme de monsieur le commandeur de La Roche
4
que notre seur d’Avignon nous a envoiées et aussy despuis les
5
lettres du XVIII, du XIXe passé et du Ve present et aussy
6
avons receu deux despeches de monsieur de Venes de Lion nous
7
asseurent de lantière convalescense de mon nepveu de
8
Laval. Vous en avés aussy eu vostre part, Dieu en soit loué.
9
Ie suis esté trèsaise d’antendre la guerison de mon nepveu
10
Charles et aussy de monsieur le president Trouchon ; monsieur
11
le consellier Vidal lavoit faict mort par tout ce pais.
12I’ay touiours dict que [barré : ilz ] leur advient comme aux prelatz,
13
lesquelz soubdain ont faict mortz. Le sieur de Lisle-Dieu, abbé
14
de Josapha est bien mallade en Avignon. Vous avés monsieur
15diviné quant au faict de Cabanes car le sieur et mari [barré : et sur ]
16
veust suivre l’opinion de sa femme de cinc mil ecus et
17
leyssent encores c’est honneste eschappatoire. Il dit
18
man avoir parlé aultrement au chapitre de l’ordre qui de sa part
19
en avoit porté la parolle de IIII mil , ny aussy à levesque,
20mais aiant esgard à la dignité [barré : fesalt ] le tout dissimuler,
21
sera sellon l’advis de chascun le plus expedient et que
22
vous y priverés du loz, ensemble du droict de retention
23
pour obvier aux menées et practiques des seurs et
24
beaux frères. Monsieur de Cabanes nostre frère est rescheu
25à la tierce [barré : mons ] pour s’estre emgourgé un vandredy
26
de muscatz et mellettes, mais j’espère en Dieu quil
27
en sera tost quitte. Il na eu que deux ou trois accez
28
quil appelle les plus doulx du monde. Vous avés
29
ceste despeche par le moien de ma niepce, madamoysele
30
d’Ourches que nous a mandé un laquay. Messieurs de
31
Saint Sernin et de La Coste iront demein ou laultre à
32
Lourmarin pour parachever leur assistense aux
33comptes de monsieur d’Aubignan. [barré : Je ] En cest androit, je
34
presenteray mes très humbles recommandations à voz bones
35
graces et de madame de Gordes et mes nepveus et niepce,
36
priant Dieu quil vous [ait] en la sienne
37
Monsieur, très bone et longue vie. De Gargas, ce XXI
38
aoust 1572
39
Votre très humble et plus obeissant frère
40
François de Simiene
41